Абон республикæйы Сæргълууæджы къухтæй паддзахадон хæрзиуæг чи райста, уыдонæй иу уыд автоколоннæ 1210-ы автослесарь Гæззаты Олег. Йæ фæллойадон фæндаг райдыдта цыппор азы размæ.
Афтæ райдайы автомеханик Гæззаты Оледжы алы райсом дæр. Амортизатортæ баивын, пец сцалцæг кæнын, æмæ ма бирæ æндæр куыстытæ. Шофыртæ йæ зонынц, Олегмæ æххусагур куы бацæуай, уæд фарста æвæстиатæй лыггонд кæй æрцæудзæн уыцы бон.
Нартыхъты Ирбег, автоколоннæ 1210-ы шофыр: «Æз Алагирмæ кусын. Æмæ мæ кæдфæнды куы бахъæуа Оледжы æххуыс, уæд æй æвæстиатæй райсын. Кæрæдзи куы нæ *мбариккам æмæ куы нæ *ххуыс кæниккам, уæд ма ам кусиккам».
Олегæн йæ фыды рагæй фæндыд, цæмæй йæ фырт йæхи хуызæн суа ахуыргæнæг. Фæлæ –иу Олег скъоладзау уæвгæйæ, урокты фæстæ алы хатт дæр тагъд кодта æрмадзмæ. Йæ сабибонты бауарзта техникæимæ архайын. Хъазæнты бæсты дæр-иу æмбырд кодта ивæн хъæйттæ æмæ егъау агрегаттæ.
Гæззаты Олег, автоколоннæ 1210-ы австослесарь: «Арæх мын фæдзурынц, дæ куыст ныууадз, æндæр исты æрхъуыды кæнæм. Фæлæ сын афтæ фæзæгъын, æз æндæр ницы куыст уарзын. Мæ бон æй ныууадзын нæу».
Æхполæтты Чермен, автоколоннæ 1210-ы сæйраг инженер: «Оледжы зонын 20 азы. Йæ куыст тынг хорз зоны. Куыста хуымæтæг шофырæй, уый фæстæ сси хайады хицау».
Гæззаты Олег автоколоннæмæ шофырæй кусынмæ бацыд, нудæс азы йыл куы цыди, уæд. Æрвылбоны куыстæй дарддæр ма йæм разыны рæстæг дæр æмæ хъарутæ йæхи æрхъуыдыгонд кусæнгæрзтæ аразынæн дæр. Куыд зæгъы, афтæмæй уадиссагæй ницы кæны. Æрмæстдæр уарзы йæ дæсныйад.
Гæззаты Олег, автоколоннæ 1210-ы австослесарь: «Æфсæйнæгтимæ кусын тынг уарзын. Суанг ма цыдæртæ кусæнгæрзтæ дæр æрхъуыды кæнын».
Гæззаты Олегæн йæ фæллойадон фæндаг райдыдта цыппор азы размæ. Никуы фæфæсмон кодта йæ равзæрст дæсныйадыл. Республикæйы Сæргълæууæджы къухтæй хæрзиуæг райсын та у уæлдай æвдисæн, йе ‘нæзæрдæхудт фæллойæн.
