Кæд Кировы районы хус рæстæг дæргъвæтин ахаста, уæддæр пæмидортæ æрзадысты хорз. Сæхи цехы дзы кæнынц пастæ.
Агрофирмæ «Хъазыбеджы» баиу сты куыстады бирæ хуызтæ. Ныртæккæ хæдзарады быдырты 180 гектарыл сагъд ис помидортæ. Сæ иу хай ныридæгæн у цæттæ æмæ тыллæг æфснайынц сæрмагонд фæсарæйнаг комбайнтæй
Агрофирмæ «Хъазыбеджы» баиу сты куыстады бирæ хуызтæ. Ныртæккæ хæдзарады быдырты 180 гектарыл сагъд ис помидортæ. Сæ иу хай ныридæгæн у цæттæ æмæ тыллæг æфснайынц сæрмагонд фæсарæйнаг комбайнтæй. Агрофирмæйы разамонæг Джыбылаты Хъазыбег куыд зæгъы, афтæмæй мыггæгтæ дæр, технологитæ дæр сты фæсарæйнаг. 60 гектарыл цы помидортæ ис, уыдон зайынц сæхи æгъдауæй, ома сæ донæй нæ пырх кæнынц, хъацæнтæ дæр сæм нæ хæссынц. Хуымтæ бабæрæг кодтой, мыггæгтæ кæмæй æлхæд сты, уыцы компанийы минæвæрттæ.
Кировы районы хус рæстæг дæргъвæтин ахаста, фæлæ уæддæр помидортæ æрзадысты хорз. Луиджи Тароццийы ныхæстæм гæсгæ, æнхъæл дæр нæ уыд, сæ мыггæгтæ ахæм тыллæг кæй ратдзысты. Ныридæгæн пастæйы куыстадæн бафснайдтой 50 гектары бæрц.
Рæстæмбис нымадæй иу гектарыл æрзад 60 тоннæйы бæрц. Быдыртæй помидортæ ласынц цехмæ. Ам сæ цалдæр хатты ныхсынц. Цех ифтонг у автоматикæйæ, фæлæ дзы къухтæй куыст дæр ис. Цалдæр адæймаджы æвзарынц помидортæн сæ цъæхтæ, чи нæ бæззы, уыдон. Дарддæр та пастæйы куыстад у æхгæд.
Цех архайы æхсæвæй-бонæй. Адæм дзы фæллой кæнынц 2 сменæйæ. Суткæмæ дзы бакусынц 250 тоннæйы бæрц помидортæ. Пастæйы куыстад куы ахицæн уа, уæд фæнд кæнынц соктæ кæнын дæр.
Фæрниаты Мæдинæ
