Раздæр ацы закъон парахат кодта, æрмæстдæр 100 адæймагæй фылдæр кæм уыди, ахæм куыстуæттыл. Фæлæ федералон закъонмæ хаст æрцыд ивддзинæдтæ.
Завод «Победит-ы ис мин кусæгæй» фылдæр. Квотæты хæсмæ гæсгæ дзы хъуамæ куса 11 инвалиды. Фæлæ дзы уæвгæ та ис 60 фылдæр. Гагкуты Ритæ у 2-аг къæпхæны инвалид. 26 азы цæттæ прдукцийы скълады кусы кладовщицæйæ. Йæхæдæг куыд зæгъы, афтæмæй йæ цард æнæ куыстæй уынгæ дæр нæ кæны.
Ахæм хъуыдыйыл хæст у Æлбегаты Мæдинæ дæр. У гуырцæй инвалид. 18 азы кусы почтæйы хайады администраторæй. Æмкусджытæ дзы сты зæрдæхæлар, æмæ цыфæнды рæстæг дæр адæймаджы уæлхъус балæууынц, зæгъы Мæдинæ.
Коллективы сæйраг бындур – куыстуаты разамынд афтæ хоны Æлбегаты Мæдинæйы. Зын уавæрты дæр куст кæй не руатдзæн æмæ йæ размæ вæрд хæстæ уæлдайджынтæй кæй сæххæст кæндзæн, уый дызæрдыккаг нæу, зæгъынц йе мкусджытæ.
Уæрæсейы Почтæйы цæтатирыстойнаг хайады дæр ис мин адæймагæй фылдæр. Квотæтæм гæсгæ – 23 адæймаджы.
Раздæр ацы закъон парахат кодта, æрмæстдæр 100 адæймагæй фылдæр кæм уыди, ахæм куыстуæттыл. Фæлæ федералон закъонмæ ивддзинæдтæ хаст кæй æрцыди, уымæ гæсгæ ныртæккæ квотæ æвæрд æрцыди 35 адæймаджы кæм ис, ахæм куыстуæттæн дæр.
Инвалид адæймаджы куыстмæ райсыны квотæйы бæрц у – 2 кæнæ 3 проценты. Организацийы цал кусæджы уа, уымæ гæсгæ. Бирæ организацитæ, куыд Уæрæсейы почтæ, кæнæ завод Победит квотæты хæс сæххæст кæнынц уæлдайджынтæй. Инвалидтæ дзы кусы цы æмбæлы, уымæй фылдæр. Алы мæй дæр, 20 – æм бонмæ, организацитæ бæрæггæнæнтæ дæдтой адæмæн куыстдæттыны цæентрмæ.
