филиал вгтрк государственная телерадиовещательная компания “Алания”

Цæгат Ирыстоны сæргълæууæг Мамсыраты Таймураз абон кадджын майданæй схорзæхджын кодта республикæйы хицауады сæрдар Такъоты Сергейы. Арфæ йын ракодта йæ 50 азы юбилейы фæдыл дæр.

Мамсыраты Таймураз куыд загъта, афтæмæй Такъоты Сергей ацы хæрзиуæг бакуыста йæ бирæ азты æнæзæрдæхудт фæллойæ.

Мамсыраты Таймураз, РЦИ-Аланийы сæргълæууæг: «Такъоты Сергей немæ бирæ азты фæкуыста. Раст зæгъгæйæ, мæхи куыстадон биографи дæр йемæ æнгом баст у. Уыимæ алы къабæзты. Иумæ кусæм 16 азы. Уæззау азтæ уыдысты… Фæлæ кæрæдзийы фарсмæ цæугæйæ, кæрæдзийæн æххуысгæнгæйæ, сæ сæрты хизæм. 50 азы рæсугъд бæрæгбон у. Уæлдайдæр та нæлгоймагæн. Бирæ цыдæртæ конд æрцыдысты, фæлæ ма рæзæй дæр ис бирæ кусинаг фарстатæ. Ис хъарутæ хæстæгдæр 50 азы ма уæлахизтæм тырнын».