филиал вгтрк государственная телерадиовещательная компания “Алания”

Республикæйы та арæзт æрцыд хæрзаудæн организаци «Операция «Улыбка»-йы акци. Лæвар медицинон æххуыс кæны, алыхуызон патологитимæ чи райгуырд, уыцы сабитæн. Традицимæ гæсгæ сывæллæтты республикон клиникон рынчындоны æркаст сарæзта æппæт дунейы зындгонд пластикон хирург Хасан Баиев. Раст кæны цæсгомы хъæндзинæдтæ. Равзæрста, майы операцитæ кæмæн скæндзысты, уыцы сабиты. Бæлвырддæр хабæрттæ радзурдзæн Хъайтмазты Дзерассæ. Чысыл Алинæйыл афæдз дæр нæма цæуы. Цы диагноз æм ис, уый нырма нæ зоны. Йæ мад цин кæны, фæлтæрдджын специалисты æркастмæ кæй бахаудысты, ууыл.

Æркаст сарæзта æппæт дунейы зындгонд пластикон хирург Хасан Баиев. Раст кæны цæсгомы хъæндзинæдтæ. Цы сабиты йæм æрбакодтой, уыдонæй æппæтæй чысылдæрыл цæуы 8 мæйы. Уæвгæ, æнæниздзинады уавæрмæ гæсгæ къуылымпыдзинæдтæ куы нæ уа, уæд операцитæ кæнæн ис 3 мæйæ дæр. Фæлæ уыцы хъуыддаг сæххæст кæнынмæ хъæуы сæрмагондæй бацæттæ кæнын. Сывæллæттæм ма исты низтæ куы уа, уæд хъæуы уæлдай лæмбынæг уæвын.

Специалист ма кусы, æндæр хъæндзинæдтæ кæмæ ис, зæгъæм, сыгъдтæ чи райста, ахæм сабитимæ дæр. Æххуыс кæны æнахъом сывæллæттæн дæр.

Иу бонмæ специалист æркаст 50 сабимæ. Уæззаудæр уавæры чи ис, уыдон æвзæрст æрцыдысты, цæмæй сын фæстæдæр скæной операцитæ. Фыццаг хатт сæ скæндзысты сывæллæтты республикон клиникон рынчындоны цæгатирыстойнаг дохтыртимæ. Уый тыххæй Дзæуджыхъæумæ майы ссæудзæн уæрæсейаг специалистты къорд.