Хирургтæ, травмотологтæ, реаниматологтæ, иу ныхасæй, уæззау цæфтæ чи райсы, уыцы рынчынтæн фыццаг æххуыс чи хъуамæ кæна, уыцы специалисттæ конференцийы архайынц практикон ахуырты. Лекцитæ сын кæсы æппæтадæмон Сырх Дзуары инструктор Энзо Кемелло.
Хирургтæ, травмотологтæ, реаниматологтæ, иу ныхасæй, уæззау цæфтæ чи райсы, уыцы рынчынтæн фыццаг æххуыс чи хъуамæ кæна, уыцы специалисттæ конференцийы архайынц практикон ахуырты. Лекцитæ сын кæсы æппæтадæмон Сырх Дзуары инструктор Энзо Кемелло. Ахæм конференци Цæгат Ирыстоны сарæзтой 9-æм хатт. Ацы аз дзы архайы 22 адæймаджы. Дохтыртæ сты Цæгат æмæ Хуссар Ирыстонæй, Кæсæг-Балхъарæй æмæ Мæхъæлæй. Нæ республикæйы ис, Æппæтадæмон Сырх Дзуары инструкторты ахуырты чи архайдта, ахæм дохтыртæ. Се `хсæн Тыджыты Северян, Хъæлыцты Мæдинæ æмæ Гуыдиаты Алан. Фадат сын ис, се `мкусджыты дæр ацы программæмæ гæсгæ ахуыр кæнынæн.
Тыджыты Северян, хирург: «Европæйы алы рæттæм дæр цæуынц, æмæ уым дохтыртæн аразынц сæрмагонд ахуыртæ. Махæн дæр фæци фадат, æмæ нæ зонгæ кæнынц сæ фæлтæрддзинадимæ».