филиал вгтрк государственная телерадиовещательная компания “Алания”

Куысты мызды, рæвдауæндæтты бынæттæ кæй нæ фаг кæны, уый æмæ фæкæсынхъуаг бинонтæн баххуыс кæныны фарстатыл ныхас цыди хицауадон къамисы æмбырды, Мæздæджы. Республикæйы цалдæр министрады минæвæрттæ ныхас кодтой Мæздæджы районы разамындимæ. Сæйраг фарстатæ дзы уыдысты сидзæр сывæллæттæ цæрæнуæттæй куыд ифтонггонд цæуынц æмæ бирæсывæллонджын бинонтæн зæххы хæйттæ дæттыны паддзахадон программæ царды куыд уадзынц, уый. Æппæты карздæр Мæздæджы районæн разынди зæххæн арендæ фидыны фарста.