«Урсдоны» пансионаты цы украинаг сывæллæттæ ис, уыдоны ацы хатт бабæрæг кодтой мидхъуыддæгты министрады минæвæрттæ. Бацæттæ сын кодтой хъæлдзæг ирхæфсæн акци, скодтой
Саккаты Алæмæт лагерь «Стъалыты бæстæйы» ис 10 боны. Куыд зæгъы, афтæмæй сын ам æрвылбон цымыдисаг ирхæфсæн программæ бацæттæ кæнынц. Фæлæ ацы хатты хуызæн хъæлдзæг бæрæгбон нæма уыд.
Саккаты Алæмæт: «Алы бон дæр нын цымыдисаг конкурстæ бацæттæ кæнынц. Ацы бон уыд уæлдай хъæлдзæг. Алы конкурсы дæр архайдтон, велосипедтыл, алцæуылдæр».
Конкурстæ, ерыстæ. Пансионат «Урсдон»-ы сæ фæллад цы сывæллæттæ уадзынц, уыдонæн бæрæгбон сарæзтой мидхъуыддæгты министрады кусджытæ. Уый уыдис ведомствæйы сæргълæууæг Артур Ахметхановы хъуыды. Се спортивон арæхстдзинад æмæ цыргъзонд æвдыстой 10 командæйы.
Гамахарты Алан: «Дыгуры районы пъæлицæйы хайады хицауы хæдивæг: «Уыцы акци фыццаг хатт нæу. Арæзт у, цæмæй сывæллæттæ сæхи ирхæфсой, хъазой, зарой, цин кæной, сæ фæллад уадзынц ам, базонынц бирæ хъæзтытæ, конкурстæ сын скæнынц ам».
Национ кæфтытæ, мелодитæ, дунейы зындгонд зарджытæ акодтой мидхъуыддæгты министрады сфæлдыстадон къордты артисттæ. Акци саразджыты ныхæстæм гæсгæ, ахæм мадзæлтты фæрцы укрæинаг сывæллæттæ лæмбынæгдæр базонгæ уыдзысты ирон культурæимæ.
Ууыл бæрæгбон нæ фæцис. Мидхъуыддæгты министрады кусджытæ укрæинаг сывæллæттæн скодтой лæвæрттæ – планшеттæ, хъазæнтæ, спортивон кусæнгæрзтæ æмæ адджинæгтæ. Æдæппæтæй ныртæккæ пансионаты ис 42 сывæллоны Украинæйæ.
Пансионаты хъомылгæнинæгтæн сæ бон у архайын республикон конкурсы «Нет террору». Баст у Беслæны терактыл 10 азы кæй æххæст кæны, уыимæ. Сывæллæтты хъæуы скæнын нывтæ кæнæ ныффыссын æмдзæвгæтæ. Сæ куыстытæ хъуамæ бацæттæ кæной 20 августмæ.
Хъайтмазты Дзерассæ
