Ахæм хатдзæгтæ скодтой патриотон проект «Хъæбатырты цæсгæмттæ»-йæн
Республикæйы 17 скъолайы æддаг къултæ ивгъуыд аз саив кодтой Советон Цæдисы æмæ Уæрæсейы хъæбатырты сурæттæй. Ахæм хатдзæгтæ скодтой патриотон проект «Хъæбатырты цæсгæмттæ»-йæн. Мадзал ацыд парти «Иугонд Уæрæсе»-йы æхсæнадон æххуысы штабы. Цæгат Ирыстоны проект æххæст кæнынц Сергей Меняйлойы хъæппæрисæй. Республикæ хаст æрцыд, нæ бæстæйы проект æнтыстджынæй кæм æххст кæнынц, ахæм æртæ хуыздæр регионы хыгъдмæ. Фыдыбæстæйы Стыр хæсты, сæрмагонд æфсæддон операцийы архайджыты, стæй зындгонд адæймæгты портреттæ саив кæнынц ахуыргæнæндæтты разуындтæ. Уыимæ хъайтарты равзарынц скъолаты коллективтæ стæй районты администрациты минæвæрттæ. Проекты активонæй цы нывгæнджытæ архайдтой, уыдонæн арфæйы фыстæджытæ радта республикæйы хицауады сæрдары фыццаг хæдивæг Атарты Георгий. Ацы аз хъæбатырты портреттæ хъуамæ фæзыной ноджыдæр 26 скъолайы. Проект æххæст кæныныл архайынц арæзтады министрад, парти «Иугонд Уæрæсе»-йы æмæ ахуырады министрады æххуысæй. Фембæлды ма бахастой фæндон, проектмæ уæлдæр æмæ астæуккаг ахуыргæнæндæттæ бахæссыны тыххæй.
