Республикæйы 4 паддзахадон уæлдæр ахуыргæнæндоны бахыгътой гæххæттытæ исæн кампанийы хатдзæгтæ. ЦИПУ-мæ студенттæ бацыдысты 799 бюджетон бынатмæ, æртæ фæсарæйнаг граждæны та ахуырадон квотæтæм гæсгæ. Ахуыргæнæндæттимæ коммерцион бадзырдтæ бафыстой 1323 адæймаджы. Фæсивæды хсæн æппæтæй ахадгæдæр разындысты математикæ æмæ информатикæ, информатикæ æмæ нымайæн техникæ, менеджмент, туризм, психологи, лингвистикæ, юридикон æмæ стоматологон къабæзтæ. 385 абитуриенты бюджетмæ бакъахдзæф кодтой Цæгат Ирыстоны медицинон академимæ, уыдонимæ 160 нысанмæ квотæтæй. Уымæй уæлдай, паддзахадон квотæтæм гæсгæ медакадемийы студенттæ систы сæрмагонд æфсæддон операцийы архайджыты 30 сывæллоны. Коммерцион хайадмæ – 381 адæймаджы, уыдонæй 25 сты фæсарæнты минæвæрттæ. Цæгат-Кавказы хæххон металлургон институты астæуккаг профессионалон ахуырадмæ æмæ уæлдæр ахуырады программæмæ райстой 2076 абитуриенты. Федералон бюджетæй фæрæзтæ кæмæн дих кæнынц, ахæм бынæттæм 851 адæймаджы, коммерцион ахуырадмæ 1220. Фæсивæд фылдæр равзæрстой арæзтадон, инфроматикæ æмæ нымайæн техникæ, нефть æмæ газы хъуыддаг, стæй архитектурон факультеттæ. Хæххон паддзахадон аграрон университетмæ ахуырмæ бацыди 1342 адæймаджы, уыдонæй 496 бюджетмæ.
