Ацы аз 7 æнæкоммерцион организацийы æххуыс райстой президентон грантты Фондæй
Республикæйы Æхсæнадон палатæйы арæзт æрцыд, гранттæ чи райста, ахæм проектты традицион презентаци. Ацы аз 7 æнæкоммерцион организацийы æххуыс райстой президентон грантты Фондæй, 4 æнæкоммерцион организацийы та – культурон хъæппæристы Фондæй. Проекттæ сты алывæрсыг æмæ зæрдæмæдзæугæ, – загъта Æхсæнадон палатæйы сæрдар Нина Чиплакова. Афтæ, ирвæзынгæнджыты Æппæтуæрæсеон студентон корпусы кусдзæн фыццаг æххуысы скъола. Уым фæсивæды ахуыр кæндзысты æппæт æмбæлгæ зонындзинæдтыл. Чи фæуæлахиз уа, уыцы проект æххæст кæнгæйæ, нысан кæнынц инклюзивон театралон коллективты скъола байгом кæнын. Уым, йе нæниздзинад хъыгдард кæмæн у, ахæм адæмæн сæ бон уыдзæн актеры дæсныйады бындуртæ базонын. Проект «Герои Арктики» баст у арктикон ихтæ басæттыны 70 азы бонимæ. Йæ фарс рахæцыд культурон хъæппæристы Фонд. Проекты сæйраг нысан у Арктикæйы историмæ ргом аздахын. Хицæн ныхасы аккаг у зындгонд ирыстойнаг капитан Кучиты Юрий.
