Ныхас цыди Паддзахадон Думæмæ æмæ бынæттон хиуынаффæйады оргæнтæм æвзæрстытæм цæстдарджыты цæттæдзинадыл
Фыццаг къахдзæфтæ. Республикæйы æхсæнадон палатæйы бафыстой æхсæнадон организацитимæ æмгуыстады бадзырд. Ныхас цыди Паддзахадон Думæмæ æмæ бынæттон хиуынаффæйады оргæнтæм æвзæрстытæм цæстдарджыты цæттæдзинадыл. Æвзæрстытæ ацæудзысты 19-æм сентябры. Ахæм æмгуыстады фæлгæты ис консультацитæ æмæ кæрæдзийы фæлтæрддзинадимæ зонгæ кæныны тыххæй иумæйаг проекттæ æххæст кæнын, стæй сæрмагонд ахуыртæ. Фыццаг бадзырдтæ бафыстой Уæрæсейы промышленносты æмæ амалхъомдзинады регионалон хайады, æрдзхъахъхъæныны æппæтуæрæсеон æхсæнады, «Уæлахизы волонтерты» змæлды, Уæрæсейы сылгоймæгты Цæдисы, респуликæйы ветеранты Советы æмæ хæрзаудæн фонд «Быть добру». Хæстæгдæр рæстæг, ахæм бадзырдтæ бафысдзысты иннæ организацитæ дæр. Уæ зæрдыл уын æй лæууын кæнын, æвзæрстытæм цæстдарды æхсæнадон штаб Цæгат Ирыстоны кусын райдыдта февралы кæрон.
