филиал вгтрк государственная телерадиовещательная компания “Алания”

Республикæйы Æхсæнадон палатæйы минæвæрттæ аргъ скодтой æвзарæн участокты цæттæдзинадæн. Бабæрæг кодтой национ наукон библиотекæ. Ам уыдзæн дыууæ æвзарæн участочы. Бæрнон кусджытæ æркастысты æппæт хъуыддæгтæм дæр. Фыццаджыдæр сбæрæг кодтой техникон ифтонгдзинад, информацион æрмæджытæ дзы ис, æви нæ, уый. Уæдæ стыр æргом азæдхтой, къамисы уæнгтæн æмæ æхсæнадон цæстдарджытæн æппæт уавæртæ конд куыд æрцыдысты, уымæ. Уæлдай цæстдард цæуы, йæ бон æнæ искæйы æххуысæй æвзарæн участокмæ бацæуын кæмæн нæу, уыдонмæ. Участокты ис сæрмагонд кабинкæтæ, стæй пандустæ. Æхсæнадон палатæйы сæрдар Нина Чиплакова куыд радзырдта, афтæмæй Уæрæсейы Президенты æвзæрстыты æхсæнадон палатæйы номæй архайдзæн мин волонтеры онг.