филиал вгтрк государственная телерадиовещательная компания “Алания”

Республикæйы æхсæнадон палатæйы уæнгтæ сбæрæг кодтой, Дзæуджыхъæуы фæндæгты цалцæг куыд цæуы, уый.
Профилон ведомствæтимæ уыдысты горæты 8 уынджы. Куыстытæ цæуынц национ проект «Хæрзхъæд æмæ æдас фæндæгтæ» æххæстгæнгæйæ. Ног асфальт хъуамæ фæлæууа 6 азы.
Ацы аз цалцæг кæнынц Дзæуджыхъæу, Горæтгæрон æмæ Рахизфарсы районты фæндæгтæ. Æмæ æхсæнадон палатæйы уæнгтæ куыд зæгъынц, афтæмæй алы мæй дæр иртасдзысты куыстыты хæрзхъæддзинад. Абоны инспекцийы рæстæг бафиппайдтой, хицæн уынгты кæй ивынц хæтæлтæ, уымæ гæсгæ фæндæгты арæзтадон куыстытæ рæстæгмæ баурæдтой. Специалисттæ ма се ргом здахынц, уарынты рæстæг цалцæгæгæн куыстытæ цæуынц æви нæ, уымæ.