Бæстон кæсынц, горæты цæрджытæй поликлиникæты куыстыл хъæстытæм
Республикæйы æнæниздзинадхъахъхъæнынады министрад кæсы короновирусы уавæрмæ. Бæстон кæсынц, горæты цæрджытæй поликлиникæты куыстыл хъæстытæм. Адæм арæхдæр хъаст кæнынц уымæй, æмæ дохтырмæ куы бадзурынц, уæд сæм æгæр æрæгмæ æрбацæуы. Фарстатæ фæзынынц короновирус дзæбæх кæнгæйæ дæр. Йæхи амбулаторон уагæй чи дзæбæх кодта, уыдоны ныхæстæм гæсгæ ПЦР-тестытæ се ппæтæй нæ исынц. Цыппæрæм поликлиникæйы кусджытæ хи дæнцæгæй равдыстой тагъд æххуысы къæпхæнтæ. Бафиппайдтой ма уый, къуыримæ рынчынты хыгъд кæй фæфылдæр. Бонмæ сæм æрбадзурынц 700 хатты. Дохтыртæй бирæтæ сæхæдæг рынчый кæй сты, уый дæр фæбæрæг уавæрыл. Рынчынтæм фæкæсынмæ æххуыс кæнынц Цæгат Ирыстоны Паддзахадон Медицинон Академийы æмæ медицинон колледжы студенттæ. Поликлиникæйы ковид-центр ма дзаг кæныны тыххæй, хуыздæр у дохтырмæ хæдзармæ бадзурын. Цæмæй ПЦР-тест адæймагæй райсой, уый тыххæй фæхъæуы зæгъын короновирусæй рынчын адæймагмæ хæстæг кæй уыдтæ, уый. Кæд æмæ буары тæвд 37 градусы уа, уæд та колл-центры уылты ис рынчыны гæххæт байгом кæнын. Рынчынæн йæ уавæрмæ кæсын æмæ дохтыримæ ныхас кæнын йæ бон уыдзæн телефонæй. Æрæджы ма пациентимæ кусын райдыдтой телемедицицнæйы фæткмæ гæсгæ. Уый тыххæй хъæуы сæрмагонд программæйæ спайда кæнын, кæнæ чырæ телефоны, кæнæ та компьютеры. Ахæм консультацитæн фæцæуы 15 минуты.
