Аппаратон æмбырды фехъусын кодта, фадат кæй ис тестытæ дыууæ сæдæйæ 4 сæдæйы онг фæфылдæр кæнынæн
Республикæйы æнæниздзинадхъахъхъæнынады министры хæстæ æххæстгæнæг Тебиаты Сослан бахаста фæндон, коронавирусы тестытæ дыууæ хатты фæфылдæр кæнын. Аппаратон æмбырды фехъусын кодта, фадат кæй ис тестытæ дыууæ сæдæйæ 4 сæдæйы онг фæфылдæр кæнынæн. Сергей Меняйло загъта – ахсджиаг кæй у æппæтуæрæсеон æмвæзадмæ рацæуын, æрмæст лабораториты гæнæнтæ ахæм фадат куы дæттой, уæд. Уымæй дарддæр – æнæниздзинадхъахъхъæнынадмæ цæстдарды управленийы территориалон оргæны разамонæг Ольга Давыдова фехъусын кодта, ацы къуырийы Гудермесы лабораторийы специалисттæ кæй райдайдзысты нæ республикæйы 13 медицинон куыстуаты туаггуыры хæрзхъæддзинад бæрæг кæнын. Цæгат Ирыстоны Сæргълæууæг бабар кодта фидæны ахæм лаборатори нæ республикæйы байгом кæнын.
Æмбырды ма ныхас цыд, кæронмæ арæзт чи нæма рцыд, уыцы объекттыл. Сергей Меняйло бабар кодта стыр æргом аздахын арæзтадон фæзты уавæрмæ. Республикæйы разамонæг ма загъта, бæстон цæстдард хъуамæ кæй цæуа канд процессмæ нæ, фæлæ алфамбылай территоримæ дæр. Сергей Меняйло ма бадомдта, цæмæй паддзазадон ансамбль «Алан» æмæ бæхты театр «Нарты» рæзты программæ саразыны куыст фæтагъддæр кæнын.
