Кусæг балцы нысан уыд – бæстыхайы цалцæггæнæн куыстытæ куыд цæуынц, уый фенын, æмæ сын аргъ скæнын
Республикæйы æнæниздзинадхъахъхъæнынады специалисттæ, сæ сæргъы министр Тебиаты Сослан, бабæрæг кодтой Рахизфарсы районы клиникон рынчындон. Кусæг балцы нысан уыд – бæстыхайы цалцæггæнæн куыстытæ куыд цæуынц, уый фенын, æмæ сын аргъ скæнын. Ам рацарæзт нæ цыди 1988-æм азæй фæстæмæ. Ныр та куыстытæ цæуынц паддзахадон программæ «æнæниздзинадхъахъхъæнынады рæзт» æххæст кæнгæйæ. Бæстыхайы цалцæгæй дарддæр ма нысан кæнынц материалон-техникон бындур сног кæнын, суанг ног томографты онг.
Цæгат Ирыстоны æнæниздзинадхъахъхъæнынады министрады специалисттæ бабæрæг кодтой Рахизфарсы районы сæйраг рынчындон. Профилон специалисттæ лæмбынæг æркастысты Беслæны уагдоны уавæртæм. Кастысты алцæмæдæр: бухгалтерийæ цæлгæнæны онг. Туаты Ирмæ дзуапп дæтты зæрдæйы низтæ дзæбæхгæнæн хайадæн. Дохтыры ныхæстæм гæсгæ, рынчындон æмæ поликлиникæйы куыст у раппæлинаг. Къуылымпыдзинæдтæ раиртæстой диагностикон иртæстыты, стæй æркæсинаг фарста у диспансеризаци кæй хонынц, уый арæзтмæ дæр. Стæй ахсджиагдæр хъуыддаг та у уый æмæ кæй нæ фаг кæнынц специалисттæ.
Тебиаты Сосланимæ фембæлды рæстæг специалисттæ скодтой хатдзæгтæй сæ куыстæн. Министр ма цæст æрдарын кодта æппæт къуылымпыдзиндтæ аиуварс кæныны хъуыддагмæ. Специалистты ныхæстæм гæсгæ, Беслæны рынчындоны кусджытæн ис егъау гæнæнтæ. Тебиаты Сослан ма аныхас кодта рынчынтимæ.
Районы поликлиникæйы цæуы капиталон цалцæг. Уагдоны иу бонмæ балæггад кæнæн уыдзæн 600 адæймагæн. Куыстытæ конд цæуынц паддзахадон программа «Æнæниздзинады райрæзт»-мæ гæсгæ. Цалцæджы фæстæ поликлиникæ дзуапп дæдтдзæн æппæт нырыккон домæнтæн.
Æртæ къуырийы фæстæ та специалисттæ ногæй бабæрæг кæндзысты Беслæны рынчындон. Уæдмæ æппæт къуылымпыдзинæдтæ хъуамæ иуварсгонд æрцæуой.
