Цалдæр бонмæ Цæгат Ирыстон сси бæстæйы алы регионтæй литераторты-тæлмацгæнджыты иугæнæн фæз
Республикæйы æнтыстджынæй ацыд фестиваль «Ирон фæндыр». Цалдæр бонмæ Цæгат Ирыстон сси бæстæйы алы регионтæй литераторты-тæлмацгæнджыты иугæнæн фæз. Ахадгæ куыстæй фæстæмæ, архайджытæн бацæттæ кодтой цымыдисаг культурон-рухстауæн программæ. Федтой, æмбырдгонд «В живом строю»-мæ цы хæстон поэтты уацмыстæ хаст æрцыд, уыдонимæ баст экспозици. Бабæрæг ма кодтой Гæздæнты 7 æфсымæры мемориалон комплекс, Советон Цæдисы 2 хатты хъæбатыр Плиты Иссæйы хæдзар-музей. Бæлвырддæр радзурдзæн Хъайтмазты Дзерассæ.
Бæстæйæн æппæтæй уæззаудæр рæстæджы чи фыста, уыцы ирон поэтты нæмттæ баиу сты æмбырдгонд «В живом строю»-йы. Сæ зындгонд æмдзæвгæтæ дзы зæлынц уырыссаг æвзагыл фестивалы архайджыты тæлмацты фæрцы. Мыхуыргонд рауагъд фæхъæздыгдæр кодта ирон литературæйы историйы музейы коллекци. Чиныгмæ гæсгæ экспозици рахастой уазджыты размæ. Ам сты хæстон поэтты дзаумæттæ, се *мдзæвгæтæ, сæ биографи æмæ портреттæ. Сгуыхтдзинæдтæ æвдыстой æрмæст литературæйы нæ, фæлæ хæсты быдыры дæр. Сæ хæдзæрттæм се *ппæт не *рыздæхтысты. Сæ цардвæндаг æмæ сфæлдыстад абон дæр разæнгард кæнынц нырыккон литераторты.
Реставрацигонд литературон музей уазджыты дисы бафтыдта куыд йæ хъæздыг æрмæджытæй, афтæ æддаг бакасты аивдзинадæй дæр. Историон бæстыхайы фыццаг сты, Ирыстоны бирæ хæттыты чи уыд, уыдон дæр. Поэт æмæ тæлмацгæнæг Валерий Латынинæн республикæимæ æнгом бастдзинад ис. Дæллаг Санибайы райгуырд йæ фыд. Куыд зæгъы, афтæмæй йæ алы балцы дæр Ирыстон ног хуызы раргом кæны йæхицæн. Ам бирæ хæттыты уыд Супинат Мамаева дæр. Поэтессæ йæ мадæлон хъуымыхъхъаг æвзагмæ ратæлмац кодта, Кокайты Тотразы пьесæ «Фатимæ» Къостайы æмном поэмæмæ гæсгæ.
Литературон историйæ хæстон намысмæ. Уазджытæ бабæрæг кодтой Советон Цæдисы 2 хатты хъæбатыр Плиты Иссæйы хæдзар-музей. Хæсты темæ фестиваль «Ирон фæндыр»-ы ацы аз ахсы сæрмагонд бынат. Мадзал арæзт æрцыд Уæлахизы 80 азы кадæн. Ирон æфсадфæтæгты сурæттæ разæнгард кодтой дунеон литературæйы авторты. Зæгъæм, куыд легендарон «Ксанти» æмæ Плиты Иссæ.
Фестивалы архайджытæ уыдысты «Гæздæнты 7 æфсымæры» мемориалон комлексы дæр. Ацы цыртдзæвæн бæттынц зындгонд дагестайнаг поэт Расул Гамзатовы номимæ æмæ йе *мдзæвгæ «Журавли»-имæ.
Ацы аз поэзийы фестиваль «Ирон фæндыр» баиу кодта 20 литераторы æппæт бæстæйæ. Баст сты æрмæст ацы мадзалæй нæ, фæлæ иумæйаг проекттæй дæр. Кусдзысты сыл фестивалы фæстæ дæр. 2 азмæ мадазл сси, ивгъуыдæй кæй сног кодтой, ахæм традици.
Ацы азы фестивалы фæстæ уайтагъд райдайдзысты иннæмæ цæттæ кæнын. Уый та нысан кæны, иумæйаг литературон проекттæ фылдæр кæй уыдзæн, уый.
