Цæгат Ирыстоны кæй æрзайын кодтой, уыцы фæткъуытæ агурынц канд нæ республикæйы нæ, фæлæ ма æндæр рæтты дæр
Республикæйы аграрон кусджытæ райдыдтой дыргътæ æмбырд кæныны куыстытæ. Цæгат Ирыстоны кæй æрзайын кодтой, уыцы фæткъуытæ агурынц канд нæ республикæйы нæ, фæлæ ма æндæр рæтты дæр. Дыргътæ сты хæрзад, уымæ гæсгæ сæ бацагурынц Уæрæсейы бирæ регионты. Зæгъын хъæуы уый, æмæ цалдæр азы нæ республикæйы стыр æргом здæхт цæуы, бирæ азты дыргъ чи дæтты, ахæм бæлæстæм. Æрмæст фæстаг дыууæ азмæ Цæгат Ирыстоны ныссагътой 1 мин гектары дыргъдæттæ, æмæ ныртæккæ сæ фæзуæтты нымæц схæццæ 2 мин гектармæ. Уыимæ нæ республикæйы зынгæ фæфылдæр сты, дыргътæ дарæн бынæттæ. Уымæ гæсгæ ныр фадат ис Цæгат Ирыстон дыргътæй æххæст кæнынæн афæдзы дæргъы.Сæрмагонд камерæты дыргътæ ныууазал кæнынц 2 граудсы онг. Уым сæ дарынц европæйаг технолгитæм гæсгæ. 2020-æм азмæ нæ республикæйы фæнд кæнын ноджыдæр иу дыргъдон скæнын стæй дыргътæдарæн бынат саразын.
