филиал вгтрк государственная телерадиовещательная компания “Алания”

Республикæйы ахуыргæнæдæтты ныртæккæ цæуы «Æдасдзинады къуыри». Архайынц дзы сывæллæттæ, сæ ныййарджытæ, педагогтæ, стæй фæндаггон инспектортæ. Æдасдзинады къуырийы сæйраг нысан у – фæндæгты æдасдзинадмæ ргом аздахын. Уымæн æмæ арæх фæндаггон фыдбылызты бахауынц æнахъом сывæллæттæ. Скъолаты ныртæккæ цæуынц тематикон ахуыртæ, конкурстæ, викторинæтæ, флешмобтæ æмæ гом уроктæ. Стыр æргом здахынц профилактикон мадзæлттæм: æдасдзинады рæттæм, креслæтæм æмæ рухс здахæн элемеенттæм. Сæрмагондæй сабитæн арæзт цæуынц фистæгæйцæуæн экскурситæ. Знон уыд фæндаггон змæлды æдасдзинады иумæйаг бон. Абон та ныййарджытæн арæзт æрцæудзæн профилактикон ахуырадон мадзал.