Сæ хи къухтæй аразынц, акъоппыты чи рухс кæны, ахæм цырæгътæ, маскировкæгæнæн хызтæ, архайынц гуманитарон æххуыс æмбырд кæныны хъыддаджы
Республикæйы ахуыргæнæндæтты фæсивæд се ххуысы хай хæссынц, сæрмагонд æфсæддон операцийы не мзæххон хæстонтæй чи ис, уыдонæн. Сæ хи къухтæй аразынц, акъоппыты чи рухс кæны, ахæм цырæгътæ, маскировкæгæнæн хызтæ, архайынц гуманитарон æххуыс æмбырд кæныны хъыддаджы. Ацы арфæйаг хъуыддагмæ йе ххуысы хай бахаста Алагиры 2-æм скъола дæр. Ахуырдзауты бабæрæг кодтой Дзæуджыхъæуы 42-æм скъолайы волонтертæ, сæ сæргъы сæ разамонæг Дмитрий Ларин, афтæмæй. Кадетон кълæсты рæзгæ фæлтæрæн скодтой дæсныйадæвдисæг ахуыртæ. Чызджытæ æмæ лæппуты сахуыр кодтой акъоппыты цырæгътæ кæныныл, уыдон æфсæддонты кæдфæндыдæр фæхъæуынц.
