Фæлæ, æвзæр чи хъусы, уыцы адæмæн Цæгат Ирыстоны ис æрмæстдæр иу аттестацигонд гид
Республикæйы алы бынæттæм цымыдисаг экскурситы архайын йæ бон у алкæмæн дæр. Фæлæ, æвзæр чи хъусы, уыцы адæмæн Цæгат Ирыстоны ис æрмæстдæр иу аттестацигонд гид. Уый саразы экскурситæ Уæрæсейы алы регионты цæрджытæн. Бæстондæр хабæрттæ радзурдзæн Чехойты Фатимæ.
Экскурситæ горæты рæсугъддæр бынæттыл республикæйы уазджытæн фæцæуынц æнæдзургæйæ. Фæлæ Цæгат Ирыстоны истори адæмæн уый тыххæй къаддæр цымыдисаг нæу. Дзантианты Надеждæ республикæйы у уæзхъус адæмæн иунæг аттестацигонд экскурститæ аразæг. Йемæ аныхас кæнынмæ нын баххуыс кодта сурдотæлмацгæнæг Хайты Фатимæ.
Дзантиаты Надеждæ туристтæн экскурситæ саразы Дзæуджыхъæуы историон бынæттæм, семæ абалц кæны хæххон къахвæндæгтыл дæр. Æппæты цымыдисагдæр адæмæн у Дыгургом, зæгъы эксурситæ аразæг.
Дзантиаты Надæждæйы æвæрæн экскурситæ уæзхъус адæмæн аразыны хъуыддаджы у æгæрон. Уæрæсейы туристтæ рагæй базыдтой, йæ куыстмæ цы профессионалон ахаст дары, уый. Кæрæдзийæн фехъусын кæнынц, куыд æй ссарын хъæуы, уый. Надеждæйы фæрцы ссæуынц Ирыстонмæ, бауарзынц нын нæ республикæ.
Надеждæ кусы чысыл къордтимæ. Вæййынц 5-6 адæймагæй арæзт – се *дасдзинадыл фæхъуыды кæны. Æппæт информаци райсы бæлвырд историон гæххæттытæй. Гид уæвын у стыр бæрнондзинад .
Уарзон куыст ссарын æнцон нæу. Цæмæй ма ахадгæ дæр уа, уый та – уымæй зындæр. Фæлæ Надеждæ сарæхсти, уый бæрæг у, йæ цæстытæ цæхæртæ кæй калынц, уымæй дæр.
