Мæйы кæронмæ профилон ведомствæтæ хъуамæ сæ фæндонтæ бахæссой кандидатурæты тыххæй
Республикæйы арæзт æрцæудзæн ветерантæн, сæрмагонд æфсæддон операцийы архайджытæн æмæ сæ бинонтæн æххуыс кæныны Паддзахадон фонды регионалон хайады архайды фарстаты фæдыл ведомствæты хсæн къамис. Уый тыххæй аппаратон æмбырды фехъусын кодта Хицауады сæрдары хæдивæг Тугъанаты Ларисæ. Мæйы кæронмæ профилон ведомствæтæ хъуамæ сæ фæндонтæ бахæссой кандидатурæты тыххæй. Æнæниздзинадхъахъхъæнынады министрад хъуамæ равзара психологон æмæ психотерапевтон æгъдауæй чи ххуыс кæндзæн, ахæм специалистты, стæй медицинон куыстуæтты материалон-техникон бындурæн хъуамæ скæной мониторинг. Æмбырды æрныхас кодтой республикæйы эпидемиологон уавæрыл дæр. Ныртæккæ клиникон рынчындоны коронавирусæй дзæбæх кæнынц æртынæй, иу адæймаг ис реанимацийы. Кæд рынчынты нымæц къаддæр кæны, уæддæр æдасдзинады домæнтæ сты æнæмæнг æххæсткæнгæ — зæгъынц Уæрæсейы фæлхасадмæ цæстдарды службæйы. Фæлхасадмæ цæстдарды специалисттæ фехъусын кодтой республикæйы афтекты цы бæрæггæнæн мадзæлттæ уыди, уыдоны хатдзæгтæ. Хосты æргътæ æнæзакъонæй кæм фæуæлдæр кодтой, ахæм бынæттæ нæ разынди. Аппаратон æмбырды ныхас цыди республикæйы бюджетмæ хъалонты æмæ æнæхъалон æфтиæгтыл дæр. Æдæппæтæй уал сты 534 милуан сомы.
