Кæнынц сæ, регионты хсæн кафты райрæзты фонды егъау проект «Танцевальный мост Челябинск – Владикавказ»-ы фæлгæты
Нæ республикæйы арæзт цæуынц мадзæлттæ Челябинскы облæсты кафджыты делегациимæ. Кæнынц сæ, регионты хсæн кафты райрæзты фонды егъау проект «Танцевальный мост Челябинск – Владикавказ»-ы фæлгæты. Сфæлдыстадон проект йæ тыхы бацыд фарон, фæззæджы. Уæд Челябинскы облæсты цæрджыты Ирыстоны культурæимæ зонгæ кодтой ансамбль «Горец»-ы артисттæ. Концерттæй уæлдай ма Челябинскы облæсты къордтæн, стæй ахуыргæнджытæн æмæ разамонджытæн арæзт æрцыдысты дæсныйадæвдисæг ахуыртæ Кавказы хореографийы тыххæй. Ныр æххæст кæнынц проекты дыккаг хай. Челябинскы облæсты кафджыты къордтæ æмæ Хуссар Уралы аивæдты паддзахадон институты хореографион факультеты ахуыргæнджытæ ирон адæмы зонгæ кæнынц уырыссаг кафтимæ. Концерты программæйы уыд, Хуссар Уралы къордтæн æппæтуæрæсеон æмæ æппæтадæмон конкурсты лауреаттæ цы кæфтытæ систы, уыдон. Адæмон кафты концерттæ ныридæгæн ацыдысты Мæздæджы, Беслæны, абон та сæм бакæсæн уыдзæн Дзæуджыхъæуы, Тæбæхсæуты Балойы номыл академион театры сценæйы.
