Æвзонг театрдзауты æмæ сæ ныййарджыты фæхуыдтой алæмæты æмæ скæсæйнаг цыргъзонд дунемæ
Скæсæйнаг аргъау ирыстойнаг театры. Нæ республикæйы бæхты паддзахадон драмон театр «Нартæ» бацæттæ кодта сывæллæтты спектакль «Али-Баба æмæ 40 абырæджы». Æвзонг театрдзауты æмæ сæ ныййарджыты фæхуыдтой алæмæты æмæ скæсæйнаг цыргъзонд дунемæ. Ахæм фадат фæци нæ уацхæссæг Гæджиты Сосланæн дæр, æмæ йын бакæсæм йæ сюжетмæ.
Экзотикон декорацитæ, ирд сурæттæ, æмæ, абарæн кæмæн нæй, ахæм джигитовкæ. Ам баиу сты адæймаг æмæ æрдз, рæсугъддзинад æмæ уæздандзинад. Ацы миниуджытæ æмæ æнкъарæнтæ фенæн ис бæхты театр «Нарты». Алы историйæн дæр ис йæхи характер. Аивады тых та сывæллæтты æмæ хистæрты дæр æфтауы дисы.
Диссаджы аргъау «Али-Баба æмæ цыппор абырæджы» фенæн ис ног хуызы. Спектаклы режиссер у Валерий Попов. Уый барæй аивта аргъауы кæрон. Ома дзы абырджыты не скуынæг кодтой, фæлæ æмтгæй райсгæйæ фæуæлахиз хæлардзинад.
Скæсæйнаг аргъау фыццаг минуттæй æлвасы йæхимæ. Хъуыстгонд ныхæстæ «Сим-сим откройся» залы уæвджытæ дзырдтой иууылдæр иумæ. Сывæллæттæ зæрдиагæй æххуыс кодтой сæйраг хъайтарæн: зæгъæм, сфæлвæрдтой йын йæ бæндæн, стæй иумæ байгом кодтой алæмæты лæгæт.
Аргъауы премьерæ ацыд тыхджын къухæмæдзæгъдимæ. Скæсæйнаг алæмæты дуне бабæрæг кæныны фадат уыдзæн 15-æм январы онг.
