Уым ацыд бæрæгбоны мадзал
Республикæйы бæхты-спортивон скъолайы хъомылгæнинæгтæ радон хатт равдыстой бæрзонд æмвæзадыл цæттæдзинад. Уым ацыд бæрæгбоны мадзал. Призты аккаг систы курдиатджын фæсивæд: Гатыкготы Кристинæ, Гуырцъыты Вероникæ, стæй Гуырцъыты Тамарæ. Хæрзиуджытæ сын радтой республикæйы физкультурæйы æмæ спорты министр Хуадонты Артур æмæ Бæхты-спортивон скъолайы директор Дзалаты Олег. Уазджыты размæ рахастой цымыдисаг æмæ ирд равдыст. Бæхтæ æмæ барджытæ сæхиуыл сбарстой алыхуызон кинонывты æмæ аргъæуттæй ист хъайтарты фæлгонцтæ. Хицæн ныхасы аккаг уыди сæ уæлæдарæс. Æрбацæуджыты зæрдæмæ уæлдай тынгдæр фæцыди, алкæцы костюмæн дæр хицæн истори, кæй уыди, уый. Тренертæ бацæттæ кодттой хъæлдзæг конкурстæ. Стæй, кæй фæндыди, уыдонæн та фадат уыди сæ зонындзинæдтæ викторинæты равдисынæн.
