филиал вгтрк государственная телерадиовещательная компания “Алания”

Республикæйы бахыгътой патриотон конкурс «Память сильнее времени»-йы хатдзæгтæ. Баст у Фыдыбæстæйы стыр хæсты уæлахизы 78 азы бонимæ. Сæ куыстытæ дзы равæрдтой Цæгат Ирыстоны 30 мин скъоладзауæй фылдæрæй. Жюрийы уæнгтæ дзы равзæрстой сæ хуыздæрты, уыдон – 5 нывæцæны æмæ 4 нывы. Ныммыхуыр сæ кодтой «Хæстон æфсымæрады»-ы сайты. Конкурс аразджыты хъуыдымæ гæсгæ, ахæм мадзæлттæ рæзгæ фæлтæрмæ гуырын кæнынц патриотон æнкъарæнтæ, сæ райгуырæн бæстæйы хъæбатырдзинæдтæй сæрыстырдзинад, стæй сын сæ граждайнаг бæрнондзинад дæр кæнынц бæрзонддæр. Конкурсы уæлахиздзаутæн дипломтæ æмæ арфæйы фыстæджытæ радта республикæйы ахуырады æмæ наукæйы министр Алыбекты Эллæ.