Прививкæтæгæнæн пункт кусы Цæгат Ирыстоны медицинон колледжы
Республикæйы дарддæр цæуы коронавирусы ныхмæ вакцинаци. Прививкæтæгæнæн пункт кусы Цæгат Ирыстоны медицинон колледжы. Ацы хатт дзы низы ныхмæ процедурæ ацыдысты 60 адæймаджы. Гуытъиаты Алинæ радзурдзæн бæстондæр.
Коронавирусы ныхмæ дзыллон иммунитетмæ бавæрæн бахæссын бафæндыд газет Рæстдзинады редакцийы кусджыты дæр. Уыдонимæ зындгонд журналист Баскаты Уырызмæг. Уый нырма æрæджы сдзæбæх ис уыцы карз низæй æмæ ныр архайы, цæмæй ногæй мауал фæрынчын уа. Редакцийы кусджытæ куыд зæгъынц, афтæмæй æмбарынц вирусы тæссагдзинад æмæ уый тыххæй сразы сты вакцинаци ацæуын.
Дарчиты Ирбег та прививкæ скæныны размæ бирæ февзæрста, уавæр вакцинæйæ спайда кæндзæн, уый. Хорз ахъуыды кодта æмæ æрлæууыд Спутник-Ви-йыл
Прививкæ скæнын кæй фæнды, уыдоны уал фыццаг федтой дохтыртæ. Медикты хъуыдымæ гæсгæ, бонæй бонмæ рæзы, вакцинаци ацæуын кæй фæнды, уыдоны нымæц. Бирæтæ æрбацыдысты ревакцинацимæ. Уыдонимæ куыд ацæргæ кары адæм, афтæ æрыгæттæ дæр. Прививкæ скæнынмæ цæуынц æнæхъæн бинонтæй. Вакцинаци ацæуæн ис медицинон колледжы дæр.
Æдæппæтæй та ныртæккæ республикæйы кусынц вакцинацийы дыууадæс пункты. Фæндзай уæлæмхасæн пункты ис хъæуты амбулаториты.
