Вакцинæ ныридæгæн райстой 113 мин адæймаджы
Республикæйы дарддæр цæуы прививкæтæ кæныны кампани. Вакцинæ ныридæгæн райстой 113 мин адæймаджы. Сæ иммунитет фæфидардæр кæныны тыххæй бирæтæ кæнынц ревакцинаци. Специалистты хъуыдымæ гæсгæ уый у æнæмæнг, цæмæй адæймаджы туджы буаргъæдтæ, цас æмбæлы, уыйбæрц уа, уый тыххæй. Бæлвырддæр – Касаты Наирæ.
Аннæ Ермак вакцинацийы фарста алыг кодта йæ райдианты. Фыццаг хатт прививкæ скодта январы, æмæ уый фæстæ йе нæниздзинадмæ йæ зæрдæ не хсæйдта. Афæдзы рдæджы фæстæ та сфæнд кодта анализ раттын, буаргъæдтæ ма йæм ис, æви нæ, уый базоныны тыххæй. Бæрæггæнæнтæ куыд равдыстой, афтæмæй коронавирусы ныхмæ мадзæлттæ хъуыди фæфидардæр кæнын.
Ревакцинаци скæнын бирæты фæнды иу компонентон вакцинæ Спутник лайтæй. Скæнæн æй ис иннæ препараттимæ – Спутник В, Ковивак æмæ Эпивак-имæ. Алы къуыри дæр Дзæуджыхъæуы 7-æм поликлиникæ райсы Спутник В æмæ Спутник лайты 2 мин дозæйы.
Сæ иммунитет фидар кæнынц Дзæуджыхъæуы Уæрæсейы гвардийы кусджытæ дæр. 10 æфсæддоны скодтой прививкæтæ.
Вирус активонæй парахат кæныны рæстæг специалисттæ зæгъынц, алы 6 мæйы дæр прививкæтæ кæнын кæй хъæуы, цæмæй туджы буаргъæдтæ æмбæлгæ хуызы уой, уый тыххæй.
