Ацы хъуыддаджы фæдыл нысан кæнынц регионалон оператор саразын
Республикæйы донæй ифтонг кæныны æмæ дондзæуæн системæтæ рацаразыны пъланыл ныхас цыди Парламенты Советы æмбырды. Докладимæ дзы раныхас кодта цæрæнуæтты-коммуналон хæдзарады, артаджы æмæ энергетикæйы министр Таматы Мæйрæн. Ацы хъуыддаджы фæдыл нысан кæнынц регионалон оператор саразын. Ныртæккæ Цæгат Ирыстоны ахæм организацитæ ис 23. Бирæтæ, нымайæн процессы тыхсынц финансон фарстаты. Уый та фыццаджыдæр къуылымпыдзинæдтæ æвзæрын кæны дондзæуæн системæ сног кæныны куысты. Министры ныхæстæм гæсгæ, регионалон оператор хорзырдæм фæзындзæн регионы тарифты политикæйыл. Стæй, бюджеты субсудиты хардзæй доны æргътæм цæстдарынæн. Комитеты разамонджытæм сæвзæрд ацы ногдзинæдты тыххæй фарстатæ. Реуазты Ларисæ радта фарст, рацарæзт кусгæ бынæттыл æмæ куысты мыздыл куыд фæзындзæн, уый тыххæй. Таматы Майрæн загъта, кусгæ бынæттæ фæкъаддæр уыдзысты, зæгъгæ, фæлæ уыдон уыдзысты æрмæстдæр донæй ифтонг кæныны организациты административон хайæдтæй. Инженертæн æмæ хуымæтæг кусджытæн та фæфылдæр уыдзæн сæ мызд.
