Архайдтой дзы парламентаритæ, уæлдæр ахуыргæнæндæтты ректортæ, колледжты æмæ æххæстгæнæн хицаудзинады оргæнты минæвæрттæ
«Республикæйы экономикæйæн IT-специалистты цæттæ кæнын». Ацы темæйыл æмбырд арæзт æрцыд профессионалон цæттæдзинады центры. Архайдтой дзы парламентаритæ, уæлдæр ахуыргæнæндæтты ректортæ, колледжты æмæ æххæстгæнæн хицаудзинады оргæнты минæвæрттæ. IT-технологиты равдыст-презентацийы сæ бакуыстытæ равæрдтой республикæйы компьютерон спорты федерацийы, Цæгат Кавказы хæххон-металлургон институты, Дзæуджыхъæуы электрон колледжы, республикон физикон-математикон лицей-интернаты æмæ профессионалон цæттæдзинады центры минæвæрттæ. Парламенты сæрдар Тускъаты Таймураз базонгæ студентты æмæ скъоладзауты куыстытимæ. Куыд загъта, афтæмæй ахуырады системæйы раз абон лæууы бирæ ахсджиаг хæстæ, фæндты ис саразын суинаг инвестицион проекттæ. Уыдон æххæст кæнынæн хъæудзæн ног специалисттæ. Уыцы нысанимæ арæзт æрцыд ацы æмбырд дæр.
