Фæлхасадмæ цæстдарды управленийы бæрæггæнæнтæ фехъусын кодтой аппаратон æмбырды
Кæд коронавирусæй рынчынты нымæц ивгъуыд къуырийы гыццыл фæфылдæр, уæддæр республикæйы эпидемиологон уавæр у рæстæмбис. Фæлхасадмæ цæстдарды управленийы бæрæггæнæнтæ фехъусын кодтой аппаратон æмбырды. Гриппæй рынчынты нымæц ивгъуыд къуырийы, уымæй размæимæ абаргæйæ фæкъаддæр. Фæлæ уавæр нырма уæддæр у карз. Æмбырды ныхас цыди хъармгæнæн сезоныл дæр. Премьер Дзанайты Барис профилон куыстуæттæй бадомдта, цæмæй пъланмæ гæсгæ газ æмæ электрон тых куы фæххуыссын кæнынц, уæд æй рагагъоммæ хъусын кæной цæрджытæн. Æрдзырдтой фæлхасады базарады уавæрыл дæр. Республикæйы экономикон рæзты министр Кучиты Зауыр куыд фæнысан кодта, афтæмæй абоны бонмæ дифицит ницы продукттæй æййафынц.
