филиал вгтрк государственная телерадиовещательная компания “Алания”

Республикæйы фæндæгты хæдзарады комитеты арæзт æрцыд журналисттимæ брифинг. Комитеты сæрдар Солиты Тариэль сæ фæрстытæн лæвæрдта бæстон дзуæппытæ. Йæ ныхæстæм гæсгæ, ныридæгæн, национ проект «Æдас æмæ хæрзхъæд фæндæгтæ» æххæст кæнгæйæ, конд æрцыдысты куыстыты 98%. Подрядон организацитæ гаранти дæттынц 7 азæн. Исты аиппытæ куы раиртасой, уæд организацитæ хъæндзинæдтæ сратс кæндзысты сæхи фæрæзтæй. Цалцæг скодтой Камбилеевкæйы цæугæдоны сæрты хиды æртæ ахизæны. Дзæуджыхъæуы базылдысты 56 уынгмæ. Ныртæккæ та ма куыстытæ цæуынц ноджыдæр 24 уынджы. Дзæуджыхъæуы уынгты рацарæзт нысан кæнынц 2024-æм азмæ фæуын.