Уый тыххæй фехъусын кодтой æрвылкъуырион аппаратон æмбырды
Фæндæгтыл æдасæй цæуыны паддзахадон автоинспекцийы бæрæггæнæнтæм гæсгæ ныртæккæ республикæйы фæндæгтыл ис 1280 уæзласæн машинæйы, уыдонæй 650 машинæйы лæууынц сæрмагонд æрлæууæнты. Электрон рады регистрацигонд сты 3 380 машинæйы. Уый тыххæй фехъусын кодтой æрвылкъуырион аппаратон æмбырды. Хицауады сæрдары хæдивæг Томайты Ирбег загъта, ивгъуыд къуырийы специалисттæ ахуыссын кодтой 18 зынгсирвæзты. Бæрæгбæтты агъоммæ Дзанайты Барис хицаудзинады оргæнтæн бахæс кодта, мидхъуыддæгты æмæ æнæнхъæлæджы министрадимæ æмгуыстад кæнын. Æхснырсæгæй рынчын адæм дохтыртæм æххуысагур цæуынц къаддæр, гриппы миниуджытæ æртыккаг къуыри никæмæ ис. Афæдзы райдианæй льготæтæм гæсгæ хостæ радтой 66 мины 5 сæдæ рецептмæ гæсгæ. Æмбырды кæронбæттæн Дзанайты Барис транспорты æмæ фæндаггон инфраструктурæйы комитеты æргом раздæхта Архонкæйы иувæрсты цæуæг фæндаджы фарста алыг кæнынмæ.
