Сæ нысан у, бардæттæг гæххæт кæмæ нæй, æмæ машинæ афтæмæй чи тæры, уыцы шофырты сбæрæг кæнын
Республикæйы фæндæгтыл цæуынц профилактикон мадзæлттæ. Сæ нысан у, бардæттæг гæххæт кæмæ нæй, æмæ машинæ афтæмæй чи тæры, уыцы шофырты сбæрæг кæнын. Статистикæмæ гæсгæ, фæндаггон фыдбылызты фылдæр хай æрцæуы, бардæттæг гæххæттытæ кæмæ нæй, кæнæ та ист кæмæн сты æмæ афтæмæй машинæ чи тæры, уыцы шофырты аххосæй. Рейдты фæрцы ведомствæ зæрдæ дары, фыдракæндты нымæц кæй фæкъаддæр уыдзæнис, ууыл. Паддзахадон автоинспекци шофырты зæрдыл лæууын кæны — æнæбардæттæг документæй фæндагмæ чи рацæуа, уыдоны ивар кæндзысты 15 мин сомы онг. Йæ бардæттæг гæххæттытæ ист кæмæн уыдысты æмæ афтæмæй машинæ чи тæры, уыцы шофырты та фæивар кæндзысты æртын мин сомы кæнæ та сæ арвитдзысты ахæстонмæ 15 суткæйы бæрц.
