27 апреля 2023, 11:17
Республикæйы фысджыты Цæдисы ацыд цымыдисаг фембæлд «Осетия и Расул Гамзатов»
Дзæуджыхъæуы 50-æм скъолайы ахуырдзаутæн радзырдтой поэты цард æмæ сфæлдыстады тыххæй
Республикæйы фысджыты Цæдисы ацыд цымыдисаг фембæлд «Осетия и Расул Гамзатов». Цæдисы сæрдар Агънаты Гæстæн æмæ историон наукæты доктор, Расул Гамзатовы сфæлдыстад бындуронæй чи зоны, уый Цыбырты Лювиг Дзæуджыхъæуы 50-æм скъолайы ахуырдзаутæн радзырдтой поэты цард æмæ сфæлдыстады тыххæй. Ирыстоны ирон æвзагмæ тæлмацгонд æрцыдысты Расул Гамзатовы 2 чиныджы. Тæлмац кæныныл куыстой ирыстойнаг поэттæ Хъайтыхъты Геор, Дзасохты Музафер, Хуыгаты Геор æмæ æндæртæ. Расул Гамзатов æвдзæвгæтæ фыста Ирыстоныл дæр, сæйрагдæр та – Хетæгкаты Къостайыл. Кодта йын æгæрон аргъ.
темæмæ гæсгæ
