Зындгонд киноактер, режиссер æмæ телеамонæджы райгуырдыл ацы бонты сæххæст 50 азы
Республикæйы хæлардзинады хæдзары арæзт æрцыд Сергей Бодровы номарæн изæр. Зындгонд киноактер, режиссер æмæ телеамонæджы райгуырдыл ацы бонты сæххæст 50 азы. Ацы аз та 20 азы сæххæст кæны, Гæналдоны комы трагикон цаутыл. Уым Сергей Бодров фæмард йæ киноисæн къордимæ. Уæвгæ, ахæм мысæн изæр саразыны хъуыды фæзынд, хæлардзинады хæдзары кусджытæ нывгæнæг Михаил Черновимæ куы базонгæ сты, уæд. Уый сæрмагондæй Ирыстонмæ ссыд Сочийæ, цæмæй адæмы базонгæ кæна йæ равдыстимæ. Михаил рагæй у Сергей Бодровы курдиаты аргъгæнæг. Йæ равдысты ис 15 куысты. Сæ фылдæры актеры хуыз конд у, Цæгат Ирыстоны кæй систа, уыцы къамтæй. Номарæн мадзалы архайдтой национ-культурон æхсæнадты минæвæрттæ. Сæрмагондæй ацы изæрмæ хæлардзинады хæдзары кусджытæ ныффыстой æмдзæвгæтæ. Уымæй дарддæр ма се ппæтæн фадат уыд Сергей Бодровы архайдимæ кинонывтæм бакæсынæн дæр.
