филиал вгтрк государственная телерадиовещательная компания “Алания”

Поэзийы дыккаг æппæтадæмон фестиваль «Ирон фæндыр»-ы фæлгæты республикæйы хæлардзинады хæдзары ацыд æмбырдгонд «Фыд æмæ фырт»-ы презентаци. У ирон æвзагмæ тæлмацгонд.  Чиныгмæ хаст æрцыдысты Дагестаны адæмон поэт Магомед Ахмедовы æмæ йæ фырт – поэт æмæ публицист Мурад Ахмедовы уацмыстæ. Ратæлмац сæ кодтой Баситы Зæлинæ, Цæриаты Валерий æмæ Плиты Татьянæ. Фарон авайраг æвзагмæ тæлмацгонд æрцыдысты Хетæгкаты Къостайы уацмыстæ, ныр та  мах чиныгкæсæджы размæ рахастой дагестайнаг фысджыты сфæлдыстад. Мадзалы архайдтой Уæрæсейы алы регионтæй поэттæ æмæ тæлмацгæнджытæ. Уымæй уæлдай, уазджытæм æнхъæлмæ касти адæмон кæфтыты ансамбльты æмæ æвзонг фæндырдзæгъдджыты аивад.