Фембæлды хъуыстысты Цæгат Ирыстоны национ политикæйы министрады æмæ Дагестаны национ культурон центры минæвæртты арфæтæ
Республикæйы хæлардзинады Хæдзары ацыд Дагестаны адæмыхæттыты иудзинадимæ баст мадзал «Адæмтæ бирæ – райгуырæн бæстæ иу». Фембæлды хъуыстысты Цæгат Ирыстоны национ политикæйы министрады æмæ Дагестаны национ культурон центры минæвæртты арфæтæ. Бацæттæ кодтой концертон программæ, æмдзæвгæтæ, зарджытæ, Дагестаны адæмты историимæ баст видеоæрмæджытæ. Медицинон академийы æмæ Дзæуджыхъæуы æфсæнвæндаджы техникумы студенттæ уазджыты зæрдыл æрлæууын кодтой бæрæгбоны истори. Скуыддзæгтæ бакастысты дагестайнаг поэтты уацмыстæй. Республикæйы æвзонг сфæлдыстадон къордтæ дæр сæ аивадæй барæсугъд кодтой фембæлд. Мадзалы нысан – адæмты иудзинад æмæ культурон хæзнатæ фæлтæртæм дæттын, стæй фæсивæды патриотон хомылад.
