Документмæ гæсгæ хъуамæ кæрæдзимæ æрбангомдæр уой æхсæнады уæнгтæ, æмæ иумæ цæуой царды сæйрагдæр нысантæм
Уæрæсейы адæмыхæттыты егъау бинонты рухс фидæнмæ цæугæйæ. Республикæйы хæлардзинады Хæдзары бафыстой бинонты традицион хæзнатæ хъахъхъæныны тыххæй харти. Мадзалы архайдтой Уæрæсейы сылгоймæгты советы регионалон хайады минæвæрттæ, Хетæгкаты Къостайы номыл Цæгат Ирыстоны паддзахадон университеты журналистикæйы факультеты, национ-культурон æхсæнадты уæнгтæ. Документмæ гæсгæ хъуамæ кæрæдзимæ æрбангомдæр уой æхсæнады уæнгтæ, æмæ иумæ цæуой царды сæйрагдæр нысантæм. Сæрмагонд харти чи бафысса, уый æнæмæнг æххуыс кæндзæн нæ паддзахады бинонты политикæйæн æмæ национ проекттæ царды уадзынæн. Уымæй дарддæр стыр æргом здæхт цæудзæн бархионты æмæ хæрзаудæн хъæппæристæм.
