филиал вгтрк государственная телерадиовещательная компания “Алания”

Республикæйы хæлардзинады хæдзары фæсивæдæн фембæлд уыди Цæгат Кавказы фысджытимæ. Баст уыди мадæлон æвзаджы æппæтадæмон бонимæ. Бæрæгбонæн бындур æвæрд æрцыди 1999-æм азы. Мадзал аразджытæ куыд зæгъынц, афтæмæй сæйраг хæс у æвзаг æмæ культурæйы рæзтмæ æмæ парахат кæнынмæ æвæрæн хæссын. Фембæлды архайдтой фысджытæ, сыхаг республикæты сфæлдыстадон интеллигенцийы минæвæрттæ, республикæйы хицаудзинады æмæ æхсæнадон организациты уæнгтæ, фæсивæд. Ахуырадон программæйы: Кавказы адæмыхæттыты æвзæгты хицæндзинæдтыл ныхас, фысджытæ фæсивæды базонгæ кодтой, ацы къабазы сæм цы куыстытæ ис, уыдонимæ, стæй бацæттæ кодтой тематикон чингуытимæ стенд.