Финалмæ рацыдсты 30 конкурсанты
Республикæйы хатдзæгтæ скодтой профессионалон дæсныйады регионалон конкурс «Цæгат Ирыстоны афæдзы педагогæн». Финалмæ рацыдсты 30 конкурсанты. Ерыс кодтой 10 номинацийы. Уæлахиздзаутæн æмæ призертæн кад кодтой, ерыстæ сæхгæныны кадджын æмбырды. Афтæмæй афæдзы хуыздæр ахуыргæнæнгыл нымад æрцыд Остъаты Хетæг – 14-æм скъолайы историйы æмæ æхсæнадзонынады педагог. Конкурсы æххæст уæлахиздзау æмæ 1 милуан сомы аккаг та сси Дзæуджыхъæуы 8-æм скъолайы педагог-психолог Ольга Романова. Хуыздæртæн раарфæ кодта республикæйы Сæргълæууæг Сергей Меняйло. Йæ амындмæ гæсгæ снысан кодтой, раздæр чи нæ уыд, ахæм призон фонд – 4 000 000 сомы. Конкурс «Афæдзы педагог-психолог» фыццаг хатт сæмбырд кодта тынг бирæ архайджыты – 500 педагогæй фылдæр.
