Бæрæггонд цæудзæн 2022-æм азы
Республикæйы хицауады сæрдары хæдивæг Азымты Иринæ сарæзта æмбырд, Аланийыл Дзуæрттæ бафтауыны 1100-азмæ цæттæгæнæн комитеты уæнгтимæ. Бæрæггонд цæудзæн 2022-æм азы. Æрдзырдтой Уæрæсейы Федерацийы хицауады сæрдары хæдивæг Ольга Голодец ацы бæрæгбоны фæдыл цы хæстæ сæвæрдта, уыдоныл. Нæ республикæйы хицауады сæрдары хæдивæг Азымты Иринæ æмбырд гом кæнгæйæ загъта, ацы цауæн кæй ис стыр политикон æмæ культурон нысаниуæг канд Цæгат Ирыстоны нæ, фæлæ æппæт Уæрæсейы дæр.
Мадзæлтты хсæн канд офицалон бæрæгбон нæй, фæлæ ма нысангонд цæуы аргъуанты æмæ культурон бынты цалцæг, Дзæуджыхъæуы историон хайы райрæзт.
Арæзт цæудзысты спортивон – дзыллон мадзæлттæ. Æххæстгонд цæудзысты Музейты æмæ равдыстадон проекттæ. Аланийыл Дзуæрттæ æфтауыны 1100 азы кадæн рауадздзысты згъæрæхца æмæ почтæйы маркæ, сараздзысты документалон, аивадон æмæ мультипликацион кинонывтæ. Мыхуры рауадздзысты сæрмагонд чиныг. Æмбырды рæстæг хицауады сæрдары хæдивæг бабар кодта, цæмæй æппæт нысантæ арæзт цæуой йæ рæстæджы æнæ къуылымпыйæ.
