Фæсарæнты чи цæры, æмæ йæ фыдæлты æвзаг æмæ традицитæ зонын кæй фæнды, уыдонæн æй æрвылаз саразы национ ахастдзинæдты фарстаты фæдыл министрад
Республикæйы йæ куыст райдыдта 5-æм юбилейон культурон-ахуырадон проект «Этнолагерь 2019».
Фæсарæнты чи цæры, æмæ йæ фыдæлты æвзаг æмæ традицитæ зонын кæй фæнды, уыдонæн æй æрвылаз саразы национ ахастдзинæдты фарстаты фæдыл министрад . Ацы аз йæ архайджытæ сты Ирландийы, Турчы, Сирийы, Германийы æмæ Гуырдзыйы цæрæг ирæттæ. Фыццаг фæлтæры хсæн сты Хуссар Ирыстоны фæсивæды минæвæрттæ дæр. Этнолагеры программæмæ хаст сты зонгæгæнæн экскурситæ, музейтæ, республикæйы зындгонд бынæттæ. Араздзысты ирон уæливыхтæ фыцынæй дæсныйадæвдисæг ахуыртæ, сараздзысты ирон кафты изæртæ æмæ афтæ дарддæр. Проектæн ма ис иу хорз нысан – иу кæны алы бæстæты цæрæг ирæтты, 18 азæй 35 азы онг кæуыл цæуы, уыцы æрыгон адæмы.
