Уый тыххæй фехъусын кодтой республикæйы Сæргълæууæджы æмæ Хицауады аппаратон æмбырды
Республикæйы клиникон рынчындоны коронавирусæй рынчын адæмы дзæбæх кæнынæн бынæттæ нал баззад. Уый тыххæй фехъусын кодтой республикæйы Сæргълæууæджы æмæ Хицауады аппаратон æмбырды. Вице-прьемер Александр Реутов куыд загъта, афтæмæй ма уæлæмхасæн бынæттæ байгом кодтой буары низтæ дзæбæхгæнæн диспансеры бындурыл дæр. Ивддзинæдтæ æрцыди кадрты хсæн дæр. Æмбырды ныхас цыди сæкæрнизæй æмæ онкологон рынчынты льготæтæм гæсгæ хостæй ифтонг кæныны хъуыддагыл.
Ацы мадзæлттæн федералон центр радих кодта 189 милуан сомы. Фæлæ, Уæрæсейы æнæниздзинадмæ цæстдарды службæйы минæвæртты ныхæстæм гæсгæ, фæрæзтæ æххæстæй бакусæн къухы не фты, курдиæттæ æрæгмæ лæвæрд кæй цæуынц, уый тыххæй. Сергей Меняйло бадомдта, хæстæгдæр рæстæг уавæр сраст кæнын. Æмбырды ма ныхас цыди фидæны азы бюджетыл дæр. Сбæлвырд кæнын хъæуы, уæлæмхасæн æххуыс цы къабæзты хъæуы, уый. Ныры онг се ппæт районты сæргълæуджытæ цæттæ не сты уый тыххæй финансты министрадмæ информаци бадæттынмæ. Республикæйы Срæгълæууæг бахæс кодта, районтæм ацæуын, æмæ муниципалитетты разамонджытимæ иумæ фарстайыл бакусын.
