Семæ чи кусы, уыцы специалисттæ та ацыдысты сæрмагонд ахуырад
Республикæйы клиникон рынчындоны кусын райдыдта реанимацийы ног хайад. æххæст у нырыккон ифтонггæрзтæй. Семæ чи кусы, уыцы специалисттæ та ацыдысты сæрмагонд ахуырад. Ног хайад фæрогдæр кæндзæн зæронды куыст дæр. Бæлвырддæр радзурдзæн Хъайтмазты Дзерассæ.
Ног реанимацион хайад байгом кæнын бабар кодтой реаниматолог-анестезиолог Аркъауты Родионæн. Республикон клиникон рынчындонæн бирæ азты лæггад кæны.
Ног хайады ис 11 уæлæмхасæн бынаты пациенттæн пъланмæ гæсгæ операциты фæстæ уæвынæн. Сæрмагондæй, ам уыдзысты, оргæнты трансплантацийы кæнæ аортæйы протез кæмæн скодтой, ахæм рынчынтæ. Реанимацийы сын ис хицæн бокс. Бацæуын æм сæ бон уыдзæн æрмæст дохтырæн æмæ медицинон хотæн. Ам ис æппæт хъæугæ нырыккон ифтонггæрзтæ æмæ фæсидыны кънопкæ. Уый фæрцы специалисттæн ис, рынчынтимæ дистанцион хуызы ныхас кæныны гæнæн.
Реанимаци куыд конд у, уый уæлдай æхсызгон у, ног уавæрты чи кусдзæн, уыдонæн. Белеккаты Людмилæ республикон клиникон рынчындоны кусы куы байгом, уæдæй фæстæмæ.
Медиктæ куыд зæгъынц, афтæмæй ног хайад фæрогдæр кæндзæн зæронд реанимацийы куыст. Уым раздæр уыд 17 бынаты, ныр та – 13. Хайад байгом кæныны фæстæ рынчындоны реанимацион фонд фæфылдæр 24 бынаты онг.
Медицинон персонал ног ифтонггрæзтимæ кусынæн ацыд цæттæдзинад раззагдæр федералон центры. Критикон уавæры пациенттæн æвæстиат æххуыс хуыздæр кæныны фарста рынчындоны у сæйрагдæртæй иу. Ацы системæйы модернизаци дарддæр æххæстгонд цæудзæн.
