филиал вгтрк государственная телерадиовещательная компания “Алания”

Республикæйы командæ цæттæ кæны скъоладзауты æппæтуæрæсеон туристон æмбырдмæ. Ахадгæ тренировкæтæ райдыдтой Балтайы скалодромы.

Архайынц спортивон цæттæдзинадыл æмæ ахуыр кæнынц цæлхдурты сæрты хизын. Практикæйы размæ скъоладзаутæ ацæуынц теори. Бакæсынц сын лекцитæ хæхты хи дарыны, стæй фыццаг медицинон æххуыс кæныны тыххæй. Æппæтуæрæсеон турслеты сывæллæтты туризмы æмæ экскурситы республикон центры командæ архайдзæн фыццаг хатт. Йæ хыгъдмæ бацыдысты Змейкæйы станицæйы 2-æм скъолайы ахуырдзаутæ. Райстой хъæугæ кусæнгæрзтæ. Уыдон сын баххуыс кæндзысты цæлхдурты сæрты ахизын.