Национ наукон библиотекæйы арæзт æрцыд Мецъаты Хъазыбеджы чиныджы презентаци «По извилистым дорогам памяти»
Республикæйы композиторты цæдисы сæрдар Махъоты Ацæмæзы лирикон уацмысæй райдыдта аивадон изæр. Национ наукон библиотекæйы арæзт æрцыд, Хетæгкаты Къостайы паддзахадон премийы лауреат Мецъаты Хъазыбеджы чиныджы презентаци «По извилистым дорогам памяти». Театралон аивады паддзахадон институты рауагъдон куыста филармонийы сæйраг режиссерæй. Уыд Дзæуджыхъæуы культурæйы управленийы разамонæг, стæй республикæйы культурæйы министр. Йæ чиныджы презентацимæ æрбацыдысты сфæлдыстадон интеллигенцийы минæвæрттæ, йæ зонгæтæ æмæ æмкусджытæ. Мецъаты Хъазыбег йæ чиныджы дзуры Ирыстоны культурæйы ирддæр цаутыл. Сентябры Хъазыбег сбæрæг кодта йе 75 азы юбилей. Ацы чиныг та сси йæ хуыздæр лæвар республикæйы цæрджытæн.
