филиал вгтрк государственная телерадиовещательная компания “Алания”

Республикæйы коронавирус фæзынди зæгъгæ, уыцы информаци раст нæу. Уый тыххæй не сфæлдыстадон къордæн фехъусын кодта республикæйы æнæниздзинадхъахъхъæнынады министр Годжысаты Тамерлан. Йæ ныхæстæм гæсгæ, социалон хызты æмæ адæмы хсæн цы хъусынгæнинаг апарахат, уый æцæгдзинадыл банымайæн нæй. Министры куыд загъта, афтæмæй ныртæккæ республикæйы арæзт цæуы æппæт мадзæлттæ, цæмæй низ ма фæзына. Ахадгæ куыст цæуы бæстæты хсæн арæнтыл дæр. Кæд официалон бæрæггæнæнтæм гæсгæ, республикæйы вирус нæй, уæддæр министрад Цæгат Ирыстоны цæрджытæй куры, цæмæй уал Фæскавказы бæстæтæм сæ балцытæ рæстæгмæ бауромой.