Уый тыххæй аппаратон æмбырды фехъусын кодта æнæниздзинадхъахъхъæнынады министры хæстæ æххæстгæнæг Тебиаты Сослан
Республикæйы коронавирусæй рынчынты нымæц кæны фылдæр. Статистикæ фæфылдæр 14 %. Уый тыххæй аппаратон æмбырды фехъусын кодта æнæниздзинадхъахъхъæнынады министры хæстæ æххæстгæнæг Тебиаты Сослан. Ныртæккæ 100 сынтæджы равæрдтой эндокринологон диспансеры бындурыл. Уæлæмхасæн бынæттæ фæзынди спиды центры бындурыл дæр.
Республикæйы хицауады сæрдары хæдивæджы хæстæ æххæстгæнæг Александр Реутов куыд загъта, афтæмæй Цæгат Ирыстон хъуамæ райса 30 мин экспресс-тесты, стæй ма 4 дистанцион электромагнитон аппараты. Сергей Меняйлон медикаментты тыххæй бæрнондзинад сæвæрдта æнæниздзинадмæ цæстдарды службæйыл. Æмбырды ныхас цыди фæндæгты арæзтадыл дæр. Фæндæгты арæзтады комитетæн регионы сæргълæууæг бахæс кодта, æрмæст федералон фæндæгты нæ, фæлæ регионалон æмæ муниципалон фæндæгты цалцæджы фарстайыл бакусын. Уымæй уæлдай, Мергей Меняйло бадомдта, цæмæй йын бацæттæ кæной лæггæдтæ æмбæлгæ уагыл чи не ххæст кæны, уыцы куыстуæтты номхыгъд, цæмæй фидæны къуылымпыдзинæдтыл ма æмбæлой.
